White Gold မှာပါတဲ့ Rhodium သတ္တုအကြောင်း 

Rhodium သတ္တုဟာ ရှားပါးပြီးတန်ဖိုးကြီးတဲ့ သတ္တုတစ်မျိုးဖြစ်ပါတယ် ၊သူ့ရဲ့ ထူးခြားတဲ့ ဂုဏ်သတ္တိကတော့ လက်ဝတ်ရတနာတွေကို တောက်ပြောင်စေပြီးအရောင်မွဲခြောက်ခြင်းမှကာကွယ်ပေးပါတယ်။ အထူးသဖြင့် Rhodium သတ္တုကို ရွှေဖြူ (White gold) နဲ့ငွေထည် (Silver Jewelry) လက်ဝတ်ရတနာတွေကိုတောက်ပြောင်စေဖို့အတွက် အရောင်တင်တဲ့နေရာမှာ အသုံးများပါတယ်။ 

Rhodium သတ္တုရဲ့ ငွေဖြူရောင်ရှိပြီး တောက်ပစေတဲ့အသွင်အပြင်ကြောင့်ပဲ ရွှေဖြူလိုလက်ဝတ်ရတနာတွေဟာ စွဲမက်ဖွယ်ကောင်းတဲ့အဆင်းကို ပိုင်ဆိုင်ထားတာဖြစ်ပါတယ်။ Rhodium သတ္တုဟာ မာကျောတဲ့သတ္တုတစ်မျိုးဖြစ်တာကြောင့်လက်ဝတ်ရတနာတွေကို ခြစ်ရာများမှကာကွယ်နိုင်သလို အလွယ်တကူပျက်စီးခြင်းမှ ကာကွယ်ပေးပါတယ်။

ဒါ့အပြင် Rhodium သတ္တုဟာ Acidic Substances (အက်ဆစ်ပါဝင်တဲ့ပစ္စည်း) နဲ့ Moisture လို Chemical ပါဝင်တဲ့ပစ္စည်းတွေနဲ့ထိတွေ့ရင်တောင် အလွယ်တကူ မတိုက်စားနိုင်ပဲ အရောင်ကျဖို့မလွယ်ကူပါဘူး။ ဒါ့ကြောင့် ရွှေဖြူတွေရဲ့ တောက်ပမှုကိုတာရှည်ခံအာင် Rhodium သတ္တုဖြင့်အရောင်တင်ပေးတာဖြစ်ပါတယ်။